Jón Gnarr, borgarstjóri og fyrrverandi skógarhöggsmaður, opnar Jólaskóginn í Grýludal í Heiðmörk formlega með því að fella fyrsta tréð laugardaginn 8. desember kl. 11. Jólaskógurinn er svo opinn þeim sem vilja koma og höggva sitt eigið jólatré allar helgar fram að jólum frá kl. 11-16. Jólasveinar verða á sveimi í skóginum og boðið er upp á…
Jólamarkaðurinn á Elliðavatni opnaði síðustu helgi með pompi og prakt. Hann verður opinn allar helgar fram að jólum (sjá nánar í valmynd hér til vinstri). Hér má sjá nokkrar myndir frá fyrstu helginni.
Í sérstöku Jólablaði Fréttablaðsins þann 27. nóvember má lesa áhugavert viðtal við Þorvald S. Þorvaldsson um heimsóknir í jólaskóga skógræktarfélaganna. Viðtalið má skoða hér (pdf).
Nú er aðventan á næsta leyti og allt komið á fullt hjá félaginu að undirbúa bæði Jólamarkaðinn á Elliðavatni og Jólaskóginn í Grýludal, auk þess sem félagið útvegar ýmsum aðilum skreytitré af ýmsum stærðum. Hér má sjá starfsmenn félagsins að störfum að fást við jólatré af stærri gerðinni.
Skógartíðindi, fréttablað Skógræktarfélags Reykjavíkur, fyrir árið 2012 er komið út. Í því má finna umfjöllun um Jólamarkaðinn á Heiðmörk og Jólaskóginn í Grýludal. Blaðið er einnig aðgengilegt á heimasíðu félagsins, undir Útgáfa (hér).
Skógræktarfélag Reykjavíkur var með tvær vélar til sýnis á Tækjasýningu Garðheima, sem haldin var 27. september. Annars vegar var um að ræða sérhæfða útkeyrsluvél og hins vegar eldiviðarvél.
Vaskur hópur barna af leikskólanum Rofaborg kom í skógarferð upp í Heiðmörk í dag undir leiðsögn Helenu Óladóttur, verkefnisstjóra Náttúruskólans. Þau voru svo heppin að hitta á starfsmenn Veiðimálastjóra við rannsóknir í Elliðavatni, sem leyfðu þeim að handleika fiskana sem verið var að rannsaka og fannst þeim það mjög gaman.
Starfsmenn skógræktarfélagsins eru þessa dagana við haustgróðursetningar landgræðsluplantna í Esjuhlíðum. Á myndinni eru frá vinstri þeir Arnar, Daríus, Wojciech og Daníel í góðum gír í sólinni.
Hópur norsks skógræktarfólks frá Sogni og Fjörðunum var nýverið á ferðinni á Íslandi að kynna sér skógarmál hérlendis. Kom hópurinn í heimsókn á Heiðmörk þar sem gestirnir fengu kynningu á skógræktarfélögunum. Norski hópurinn fékk sér hádegisverð í Gamla salnum með starfsfólki Skógræktarfélags Íslands og nokkrum starfsmönnum Skógræktarfélags Reykjavíkur (Mynd:ES). Að hádegisverði loknum hlýddu gestirnir á…
Í Samfélaginu í nærmynd á Rás 1 þann 6. september var viðtal við Björku Sigurðardóttur um ratleik á Heiðmörk sem Ferðafélag Íslands er búið að setja upp. Hlusta má á viðtalið hér.