Um 120 tóku þátt í öðru Heiðmerkurhlaupinu, laugardaginn 25. september. Sigurvegarar í Ríkishringnum voru Arnar Pétursson á tímanum 44:28 og Íris Anna Skúladóttir á 51:52.Hægt var að hlaupa tvær vegalengdi: 12 kílómetra Ríkishring og 4 kílómetra skemmtiskokk um Gula hringinn. Í öðru sæti í karlaflokki öðru sæti var Árni Már Sturluson á tímanum 51:43 og í þriðja sæti var David James Robertson á 52:49. Í kvennaflokki varð Embla Margrét í öðru sæti, á tímanum 58:05 og í þriðja sæti var Helga Guðný Elíasdóttir á 59:00.
Í 4 km hlaupinu um Gula hringinn ríkti sannkölluð fjölskyldustemmning og ungir upprennandi hlauparar á aldrinum 8-14 ára röðuðu sér í þrjú efstu sætin.
Þátttakendur nutu stemmningarinnar í skóginum. Í lok hlaupsins var sannkölluð skógarstemmning þar sem boðið var upp á kaffi & kakó yfir varðeldi.
Heiðmerkurhlaupið er haldið af Skógræktarfélagi Reykjavíkur í samstarfi við Náttúruhlaup og Fjallakofann. Fyrst var efnt til þesss í fyrra, þegar 70 ár voru liðin frá formlegri opnun friðlandsins í Heiðmörk. Stefnt er að því að Heiðmerkurhlaupið sé árviss viðburður.
Úrslit í hlaupinu er hægt að sjá á hlaup.is.
Ríkishringurinn – aukin styrkur og betri árangur
Heitið „Ríkishringur“ á 12 kílómetra hlaupaleið í hjarta Heiðmerkur, er frá árunum 2009-2010. Hlaupahringurinn nýtur sífellt meiri vinsælda en margir hafa velt fyrir sér hvaðan þetta sérstaka nafn er komið.
Allt bendir til að það orðið til á árunum 2009-2010 í hlaupahópnum „Afrekshópurinn“ sem Daníel Smári Guðmundsson stofnaði 2009. Þegar við hjá Skógræktarfélagi Reykjavíkur spurðum Daníel Smára út í þetta, fengum við þetta fróðlega svar:
“Þegar ég stofnaði Afrekshópinn 2009 fór ég að hafa reglulegar æfingar í Heiðmörkinni og lét félagana hlaupa þann hring sem ég hafði hlaupið reglulega síðan 1993 eða þegar ég fór sjálfur að æfa fyrir maraþonhlaup. Veit ekki hvernig á að útskýra það en það var vælt því hringurinn var erfiður fyrir suma. Þannig að ég setti það upp bæði í gamni og alvöru að ef þú ætlaðir að ná árangri í hlaupum væri skylda að hlaupa þennan hring til að fá styrk og þol í fæturna og að auka andlegan styrk. Væri bara lög, skylda með samlíkingu við lög og reglur samfélagsins og ríkisins. Virkaði svona flott og allir fóru að æfa og hlaupa ríkishringinn. Síðan versnaði nú dæmið þegar ég lét mitt fólk hlaupa hringinn rangsælis sem var miklu erfiðara. Í dag eru allir að hlaupa þennan hring sem fáir þekktu áður sem er frábært og að mínu mati er Ríkishringurinn frábært nafn í alvöru og djóki á frábærum þjálfunarhring.“
Reglulegar æfingar á ríkishringnum eða öðrum svipuðum leiðum, skila auk þess betri árangri að mati Daníels Smára. Hann gerði óvísindilega könnun „á hlaupum í Heiðmörkinni hjá okkur sem vorum landliðsmenn í langhlaupum á árunum 1996-1999 að þeir sem hlupu reglulega einu sinni í viku Ríkishringinn héldu meiri styrk út keppnistímabiið og náðu betri árangri maí – ágúst heldur en hinir sem bara hlupu á malbikinu og tartaninu.“
Daníel Smári bendir á að „Hill Running“ sé ein þeirra æfinga sem hafi verið í hlaupaprógrammi bestu hlaupara heims hér áður fyrr. Æfingarnar eigi meðal annars að auka styrk, minnka líkur á álagsmeyðslum ef mikið er æft á götunni, auka fjölbreytni, bæta hlaupastíl og auka andlegan styrk.
