Átta nýir vegvísar hafa verið settir upp í Esjuhlíðum. Vegvísarnir sýna vegalengdir og einnig hvaða stígar eru einungis ætlaðir gangandi fólki og hvaða stígar eru sérstakir fjallahjólastígar (MTB).
Vegvísarnir voru framleiddir í viðarvinnslu félagsins, úr timbri úr Heiðmörk.
Markvisst hefur verið unnið að því síðustu ár og áratugi að stækka útivistarsvæðin í Esjuhlíðum. Nýir stígar hafa verið lagðir fyrir ólíka útivistarhópa, og lagt upp með að sem flest geti notið fjölbreyttrar náttúru svæðisins. Vegir hafa verið bættir, nýtt bílastæði útbúið við Kollafjarðará, og í fyrra var bílastæðið við Mógilsátt bætt verulega. Þá var einnig nýtt æfingasvæði opnað, Esjugerði.
