Í Heiðmörk er góð aðstaða til viðarvinnslu og býr Skógræktarfélag Reykjavíkur meðal annars yfir vandaðri flettisög. Starfsmenn félagsins vinna ýmsar afurðir úr því timbri sem fellur til í skóginum, allt frá eldiviði til fánastanga.
Starfsmenn eru jafnframt boðnir og búnir að verða við sérstökum óskum fólks og er fólk hvatt til að senda fyrirspurnir í tölvupósti.
Tekið er við fyrirspurnum og pöntunum á netfanginu sala (hjá) heidmork.is og í síma 587 0120. Misjafnt getur verið hve vel er svarað í síma enda starfsmenn oft að vinna úti í skógi. Því mælum við með því að haft sé samband með tölvupósti.
Viðarafurðir eru að öllu jöfnu afhentar í Smiðjunni, steinsnar frá Elliðavatnsbænum. Afhending fer fram eftir samkomulagi. Til að komast að Smiðjunni er ekið eins og verið sé að fara að Elliðavatnsbænum. Ef ekið er um Rauðhóla er beygt til hægri fljótlega eftir að komið er yfir brúna við Helluvatn. Elliðavatnsbærinn er við enda þessa vegar sem liggur meðfram Elliðavatni. Áður en komið er að bænum, er stuttur vegspotti á vinstri hönd sem liggur að Smiðjunni.