Góð stemning og gott veður var á jólaviðburðum Skógræktarfélags Reykjavíkur á aðventunni. Jólamarkaðurinn í Heiðmörk og Jólaskógurinn á Hólmsheiði voru vel sóttir. Jólatrjáasalan á Lækjartorgi hefur nú fest sig í sessi en hún var í fjórða skiptið í ár.
Jólaviðburðum félagsins er nú lokið.Síðasta helgi Jólamarkaðarins og Jólaskógarins var 16.–17. desember. Jólatrjáasölunni á Lækjartorgi lauk í gærkvöld.
Í ár seldust vel yfir 1500 jólatré. 50 ný tré verða gróðursett fyrir hvert selt tré. Á næsta ári verða því gróðursett að minnsta kosti 75 þúsund tré.
Við hvetjum fólk sem getur til að njóta útivistar í skóglendinu yfir hátíðirnar. Enda fátt notalegra en að vera úti í fallegu umhverfi, þar sem er skjól og fjölbreytt náttúra.
Takk fyrir stuðninginn. Gleðileg jól og farsælt komandi ár!
