Stefán Pálsson og Elísabet Margeirsdóttir urðu sigurvegarar í fimmta Heiðmerkurhlaupinu sem hlaupið var laugardaginn 28. september.
Yfir tvö hundruð tóku þátt í hlaupinu. 138 hlupu 12 km Ríkishring. Og 93 til viðbótar tóku þátt í Skemmtiskokkinu sem í ár var 2,2 km.
Fallegt haustveður var í Heiðmörk og stór hluti hlaupsins inni í skóglendinu.
Skógræktarfélag Reykjavíkur stendur fyrir hlaupinu í samvinnu við Náttúruhlaup og Fjallakofann. Heiðmerkurhlaupið var fyrst haldið 2020 í tilefni af því að 70 ára voru liðin frá því Heiðmörk var vígð.
Úrslit í hlaupinu má sjá á timataka.net.
Myndin hér að ofan er frá sportmyndir.is. Á vefnum er hægt að fletta myndum úr hlaupinu eða leita að myndum eftir keppnisnúmeri.
