Ljósin á Þórshafnartrénu voru kveikt á Tinghúsvellinum í Færeyjum á laugardaginn var. Sú hefð hefur myndast að Reykvíkingar gefi Færeyingum jólatré og var það fyrst gert árið 2013. Tréð var fellt í Heiðmörk á sama tíma og Oslóartréð og flutt til Þórshafnar með Eimskipum.
Þórdís Lóa Þórhallsdóttir borgarfulltrúi afhenti tréð og flutti kveðju frá Íslandi og Heðin Mortensen borgarstjóri flutti ávarp. Létt snjókoma var í Þórshöfn og gerði það viðburðinn sérlega jólalegan. Jólasveinar voru á ferli og flutt voru jólalög.
Ljósin á Oslóartrénu voru kveikt í beinni útsendinu RÚV á sunnudagskvöld. Vegna samkomutakmarkana var ekki hægt að halda fjölmennan viðburð á torginu.
![27nov21_Ólavur Frederiksen faroephoto.fo3](https://heidmork.is/wp-content/uploads/2023/05/27nov21_Olavur-Frederiksen-faroephoto.fo3_.jpg)
![27nov21_ Ólavur Frederiksen faroephoto.fo 2](https://heidmork.is/wp-content/uploads/2023/05/27nov21_-Olavur-Frederiksen-faroephoto.fo-2.jpg)
![27nov21_ Ólavur Frederiksen faroephoto.fo](https://heidmork.is/wp-content/uploads/2023/05/27nov21_-Olavur-Frederiksen-faroephoto.fo_.jpg)
![27nov21_Ólavur Frederiksen faroephoto.fo5](https://heidmork.is/wp-content/uploads/2023/05/27nov21_Olavur-Frederiksen-faroephoto.fo5_.jpg)