Margir hópar hafa tekið þátt í skógrækt í Loftslagsskógum Reykjavíkur í Úlfarsfelli í vor og sumar.
Börn úr Selásskóla og Norðlingaskóla gróðursettu hátt í 1.000 birkiplöntur í vor. Viðburðurinn var tilraunadagur vegna samstarfsverkefnis Skógræktarfélags Reykjavíkur og Miðstöðvar útilífs og útináms þar sem stefnt er að því að öll börn í Reykjavík gróðursetji einu sinni á skólagöngu sinni.
Þann 25. júní var svo haldinn opinn gróðursetningardagur. Þátttakendur gróðursettu 1.645 plöntur af ilmbjörk, sitkavíði, blæelri, stafafuru og jörfavíði. Þjóðfræðingar gróðursettu einnig snemmsumars í tengslum við þjóðfræðiráðstefnu.
Þrír hópar bandarískra highschool-nemenda tóku þátt í gróðursetningum. Bandarísku nemendurnir voru hér í tíu daga náttúruskoðunarferð á vegum Go-Putney, sem er bandarísk ferðaskrifstofa. Ferðunum var stýrt af náttúrufræðikennurum og hjá okkur fengu þau fræðslu um skóga á Íslandi, Skógræktarfélag Reykjavíkur, gróðursetningar, loftlagsskóga, lúpínu og fleira.
![Þjóðfræðingar4](https://heidmork.is/wp-content/uploads/2023/05/THjodfraedingar4.jpg)
![Þjóðfræðingar5](https://heidmork.is/wp-content/uploads/2023/05/THjodfraedingar5.jpg)
![úlfarsfell 22 audur](https://heidmork.is/wp-content/uploads/2023/05/ulfarsfell-22-audur.jpeg)
![GoPutney4](https://heidmork.is/wp-content/uploads/2023/05/GoPutney4.jpg)