Frá þessari viku ber hæst heimsókn nokkurra danskra nema ásamt leiðbeinanda þeirra. Þau komu hress og kát, svolítið á skjön við veðrið sem varði allan tímann. Þau fóru á Múlastaði og gróðursettu þar 16.000 plöntur, mest af því var fura og svo var greni í bland, fínasti jólaskógur framtíðarinnar.
Hvað heiðmörkina er það helst að nefna að verkfræðingar á vegum Efla verkfræðistöfu komu á föstudaginn til að skoða aðstöðuna hjá okkur. Það var hin fínasta heimsókn.
Eftir að Hlynur sótti Danina á BSI fóru þau upp í Heiðmörk, þau komu við í Elliðaárdalnum og skoðuðu þar obboslega stórt sitkagreni,
Svona leit landið út sem var gróðursett í á Múlastöðum, aflíðandi mói
Eftir hvern vinnudag var farið í sund í Borgarnes og svo heim
Heima á Múlastöðum sá Jens yfirkokkur um eldhúsið. Þarna eru þeir Jeppe að missa bernessósu. Það má til gamans geta að jenst eldaði hefðbundin íslensk svið upp á sinn máta sem var kássa. Það kom mjög vel út. Mun betra en smá sjöt á höfuðkúpu eins og við þekkjum það.
Christan sá um að mata hópinn af plöntum.
Steini gröfueigandi kom og sótti 5 tonna gröfu sína. Hún nýttist með afbrigðum vel þetta sumarið. Takk Steini.
Einar Gunnarsson, Helgi Gíslason komu í Múlastaði og skoðuðu ummerki eftir sumarið. Glaðir í bragði voru þeir. Á myndinn er nágranni okkar hann meistari Dagbjartur á Hrísum.
Jólin nálgast fyrir skógarmenn. Þarna má sjá Sævar prílandi í tré við mögulegt torgtré.
Sævar er mikill apaköttur eins og sjá hér uppí trjákrónunni.
Þegar danski hópurinn kom aftur í Heiðmörk á föstudeginum fengu þau hvert sitt pottatréð. Þessi tré voru gróðursett í Hjalladal og gaman verður að vita hvernig þessum trjám reiðir af í tímans rás.
Þetta er hópurinn, auk Jónasar, en hann er danskur nemandi sem er ekkert á förum. Fv. Nikulas, (Jonas), Christan, Jeppe, Jens, Anali og Julia. Stórskemmtilegur hópur, Takk fyrir okkur.