Skógræktarfélag Reykjavíkur vinnur að skógrækt, landbótum og uppbyggingu útivistarsvæða í nágrenni höfuðborgarinnar. Félagið sinnir einnig fræðslu, skógarmenningu og rannsóknum og nýsköpun í skógrækt og nýtingu skógarafurða.
Hægt er að leggja starfinu lið, til dæmis með því að ganga í félagið og styrkja starfsemina.
Styrkja félagið
Skógræktarfélag Reykjavíkur er almannaheillafélag. Fólk og fyrirtæki sem styrkja félagið geta styrkt félagið með frjálsum framlögum og fengið á móti frádrátt frá skatti.
Reikningsnúmer: 0301-26-004040
Kennitala: 600269-4539
Tilvísun: styrkur
Gerast félagi
Félagsmenn fá aðgang að námskeiðum og viðburðum félagsins, oftast án endurgjalds, og 15% afslátt af vörum Skógræktarfélags Reykjavíkur, svo sem jólatrjám, eldivið, kurli og borðviði. Félagsmenn njóta jafnfram vildarkjara hjá ýmsum fyrirtækjum og borgar árgjaldið sig því yfirleitt fljótt upp hjá þeim sem eru iðnir við ræktun. Árgjaldið er kr. 4.500.
Skráning og rafræn skírteini
Nýir félagsmenn sem skrá í formið hér að ofan, fá senda kröfu í heimabanka fyrir félagsgjaldi. Þegar krafan hefur verið greidd er sendur tölvupóstur frá passi(hjá)passi.is með tengli á rafrænt skírteini. Berist tölvupósturinn ekki, eru félagsmenn beðnir um að hafa samband á heidmork(hjá)heidmork.is og tilgreina rétt netfang.
Til að sækja og nota stafræna skírteinið þarf veskis-forrit. Í Iphone símum er það Apple Wallet. Fyrir Android síma þarf að sækja forrit, til dæmis SmartWallet. Því næst er smellt á tengil í tölvupóstinum.
Eftirtalin fyrirtæki veita staðgreiðsluafslátt gegn framvísun félagsskírteinis:
- Blómaval 10%
- Fjallakofinn 10%
- Flügger 20%
- Garðheimar (almennar vörur) 10%
- Garðyrkjustöðin Kvistar 10%
- Gróðrastöðin Mörk 10%
- Gróðrastöðin Réttarhóll (plöntur) 10%
- Gróðrastöðin Þöll 15%
- Húsasmiðjan 10%
- MHG Verslun 15%
- Nátthagi garðplöntustöð 10%
- Sólskógar (plöntur) 10%
- Vorverk (Cramer rafhlöðutæki) 15%
- 66° Norður 10%