Starfsfólk

Skógræktarfélag Reykjavíkur nýtur liðsinnis mun fleiri, enda verkefnin mörg og fjölbreytileg.

VERKTAKAR sinna afmörkuðum verkum, svo sem grisjunum, gróðursetningum, viðhaldi og bókhaldi. Þá tekur nokkur fjöldi starfsfólks þátt í stærri viðburðum, svo sem Jólamarkaðnum.

SJÁLFBOÐALIÐAR hafa lyft grettistaki til dæmis við lagningu göngustíga, gerð gönguskíðabrauta og gróðursetningar.

LANDNEMAR eiga stóran hlut í því mikla skógræktarstarfi sem hefur verið unnið í Heiðmörk síðustu áratugi. Sumir af fyrstu hópunum, sem hófust handa 1950, eru enn virkir. Landnemaspildur eru merktar inn á kort sem finna má hér.

SUMARSTARFSMENN vinna einkum að gróðursetningum, umhirðu og viðhaldi. Áratugum saman unnu ungmenni á vegum Landsvirkjunar í Heiðmörk, undir merkjum „margar hendur vinna létt verk“. Verkefnið var með þessu móti í síðasta sinn sumarið 2022. Gerður hefur verið nýr samningur við Landsvirkjun til næstu tveggja ára.

STARFSNEMAR. Löng hefð er fyrir því að Skógræktarfélag Reykjavíkur taki á móti starfsnemum, til styttri eða lengri dvalar. Starfsnámið nýtur vinsælda meðal nemenda í skógfræði og skyldum greinum enda fá nemarnir einstakt tækifæri til að kynnast skógrækt á Íslandi og starfseminni í Heiðmörk. Það er félaginu líka mikils virði að fá til liðs við sig duglegt og áhugasamt fólk með ný sjónarhorn. Skógfræði og tengd fög hafa lengi verið nokkuð karllægar greinar. Því er ánægjulegt að konum í faginu fer nú ört fjölgandi. Árið 2022 voru fimm af sex starfsnemum hjá félaginu konur.