Jólaskógur á Hólmsheiði

 

Jólaskógurinn er opinn helgarnar 4.-5. desember, 11.-12. desember og 18.-19. desember 2021, frá kl. 11-16.

Það er orðin sterk hefð í mörgum fjölskyldum að koma í Jólaskóg Skógræktarfélags Reykjavíkur á aðventunni og höggva sitt eigið jólatré. Jólaskógurinn á Hólmsheiði verður opinn aðra, þriðju og fjórðu aðventuhelgina, kl. 11-16.

Hægt er að fá lánaðar sagir en einnig hvetjum við gesti til að taka með sér sínar eigin sagir.

Það er sannkölluð jólastemmning í skóginum því félagið selur rjúkandi ketilkaffi, heitt kakó og smákökur á staðnum.

Íslensk jólatré eru vistvæn og sjálfbær. Þau eru ræktuð án eiturefna og eru ekki flutt á milli landa og hafa því mun minna kolefnisspor en innflutt tré. Fyrir hvert tré sem höggvið er, gróðursetur Skógræktarfélag Reykjavíkur 50 trjáplöntur.

Félagsmenn Skógræktarfélags Reykjavíkur fá 15% afslátt af jólatrjám.

Verðskrá fyrir jólatré má nálgast hér.

Jólaskógurinn á Hólmsheiði 2021.

Leiðarlýsing

Leiðarlýsing: Keyrt er út úr borginni austur Suðurlandsveg fram hjá Norðlingaholti og framhjá Heiðmerkur afleggjara. Stuttu seinna er komið að afleggjara á vinstri hönd sem er merktur Nesjavellir, Hafravatn og Hólmsheiði. Beygt er inn á þann veg og keyrt ríflega 500 metra, þar til komið er að skilti Jólaskógur á vinstri hönd, frá skiltinu eru stutt að bílastæði Jólaskógarins. Kort er að finna neðst á þessari síðu.