Jólaskógur á Hólmsheiði
Jólaskógurinn er opinn helgarnar 8.–9. desember, 14.–15. desember og 21–22. desember 2024, frá kl. 11-16.
Það er orðin hefð í mörgum fjölskyldum að koma í Jólaskóg Skógræktarfélags Reykjavíkur á aðventunni og höggva sitt eigið jólatré. Jólaskógurinn á Hólmsheiði verður opinn þrjár síðstu helgarnar fyrir jól, frá klukkan 11 til 16.
Þetta eru helgarnar
- 7. – 8. desember, kl. 11–16
- 14. – 15. desember, kl. 11–16
- 21. – 22. desember, kl. 11–16
Hægt er að fá lánaðar sagir en einnig hvetjum við gesti til að taka með sér sínar eigin sagir.
Það er sannkölluð jólastemmning í skóginum því félagið selur rjúkandi ketilkaffi, heitt kakó og smákökur á staðnum.
Íslensk jólatré eru vistvæn og sjálfbær. Þau eru ræktuð án eiturefna og eru ekki flutt á milli landa og hafa því mun minna kolefnisspor en innflutt tré. Fyrir hvert tré sem höggvið er, gróðursetur Skógræktarfélag Reykjavíkur 50 trjáplöntur.
Félagsmenn Skógræktarfélags Reykjavíkur fá 15% afslátt af jólatrjám.
Staðsetning verður auglýst og sett inn hér á síðunni þegar hún liggur fyrir.
Jólamarkaðurinn í Heiðmörk verður svo opinn allar aðventuhelgarnar, frá 12 til 17. Þá verður félagið með jólatrjáasölu og jólastemmningu á Lækjartorgi rétt fyrir jól, líkt og síðustu ár.