MARKAÐURINN

Í Gamla salnum, Hlöðunni og í litlu Jólahúsunum á torginu verður fjölbreyttur hópur handverksfólks og hönnuða sem kynnir vörur sínar og selur.

KAFFISTOFAN

Í kjallara Elliðavatnsbæjarins getur fjölskyldan getur fengið sér hressingu í anda jólanna og átt notalega stund. Rithöfundar og Tónlistarmenn koma fram hverja helgi.

RJÓÐRIÐ

Í Rjóðrinu rétt við Elliðavatnsbæinn er barnastund kl 14 allar helgar á aðventunni. Börn og fullorðnir koma sér fyrir við logandi varðeld, hlusta á upplestur eða tónlist og hugsanlega lætur jólasveinninn sjá sig.

Jólamarkaðurinn á Elliðavatni verður opnaður um helgar 1.12. – 22.12. frá 12-17.

Á Hlaðinu verða til sölu nýhöggvin íslensk jólatré og þar að auki mikið úrval af tröpputrjánum vinsælu, eldiviði, viðarkyndlum auk annarra afurða úr Heiðmörk.

Jólamarkaðurinn á Elliðavatni er dásamlegur staður, til að flýja ys og þys borgarinnar um stund, og til að finna réttu jólastemninguna í friðsælu og fallegu umhverfi.

Munið – það tekur aðeins 15 mínútur að aka frá miðbæ Reykjavíkur að Elliðavatnsbænum í Heiðmörk.

Nýhöggvin íslensk jólatré af ýmsum stærðum verða á boðstólum á Jólamarkaðnum. Í boði er stafafura, rauðgreni, blágreni, sitkagreni og fjallaþinur.

Viðtal við Tinnu Ottesen á Rás 2.