|
Alþjóðleg ráðstefna um líforku á Hallormsstað |
|
föstudagur, 14 ágúst 2009 |
|
Haldin verður alþjóðleg ráðstefna um líforku, PELLETime symposium, dagana 18. - 20. ágúst nk. í íþróttahúsinu á Hallormsstað á Fljótsdalshéraði. Ráðstefnan er hluti af PELLETimeverkefninu sem Héraðs-og Austurlandsskógar ásamt Skógrækt ríkisins á Austurlandi taka þátt í á vegum Norðurslóðaáætlunar Evrópusambandsins (NPP). Auk þessara aðila á Íslandi taka stofnanir í Skotlandi, Svíþjóð og Finnlandi þátt, Finnar leiða verkefnið. Ráðstefnan fjallar um líforku, timbur og skyld efni og hvernig við getum nýtt okkar náttúruauðlindir á ábyrgan hátt. Ráðstefnan mun fara fram á ensku, en fyrirlesarar eru m.a. frá Íslandi, Noregi, Skotlandi, Finnlandi og Svíðþjóð. Ráðstefnan hefst á hádegi þann 18. ágúst. Ráðstefnugjöld eru kr. 5.000 og innifalið í því er ráðstefnan, tveir kvöldverðir og skoðunarferð þann 20. ágúst.Nemar greiða engin ráðstefnugjöld. Óskað er eftir að skráningar berist á netfangið;
Þetta netfang er varið fyrir ruslrafpósti, þú þarft að hafa Javascript virkt til að skoða það
Væntanlegum þátttakendum er bent á gistimöguleika á Hallormsstað sem finna má á slóðinni:http://www.graihundurinn.is/ sími: 471-2400
|
|
miðvikudagur, 12 ágúst 2009 |
|
 Starfsfólk útibús Xerox í Kanada var hér fyrir skömmu í ævintýraferð og gróðursetti meðal annars tré í Esjunni, var myndin hér fyrir ofan tekin við það tækifæri. Skógræktarfélagið kann þeim Xerox mönnum bestu þakkir fyrir hjálpina.
|
|
Skógarstígar í Esjuhlíðum |
|
laugardagur, 08 ágúst 2009 |
|
 Bergþóra Einarsdóttir flokksstjóri og hennar fólk hefur unnið að gerð og viðhaldi skógarstíga í Esjunni í sumar, bæði í birkiskóginum ofan við bílastæðið við Kollafjörð og einnig í barrskóginum undir Kögunarhóli.
|
|
Skátafélagið Svanir í Hjalladal |
|
fimmtudagur, 23 júlí 2009 |
|
 Algengt er að útilífshópar gisti í Hjalladalnum. Um miðjan júlí voru skátar úr Svönum á Álftanesi að taka saman föggur sínar þegar ljósmyndari heimasíðunnar átti leið framhjá. Voru þetta 6-10 ára svanir með foringjum sínum sem höfðu hjólað úr Garðabænum og gist eina nótt í blíðskaparveðri í Heiðmörk.
|
|
200 manns að störfum á vegum Skógræktarfélagsins |
|
fimmtudagur, 23 júlí 2009 |
|
 Unglingar í atvinnuátakshópi Benediktu slaka á í hádeginu við Hjallabraut eftir að hafa sporðrennt nokkrum pitsum þann 24. júlí síðastliðinn. Hópur Benediktu vinnur við stígagerð fyrir gönguskíðafólk og er einn fjögurra átakshópa á vegum Skógræktarfélagsins í sumar. Stígagerðinni miðar vel og má sjá hann hægra megin á myndinni. Tveir hópar eru líka að störfum í Esju, alls um 50 unglingar. Þar eru nýir skógarstígar að líta dagsins ljós ofan við bílastæðið við Kollafjörð og á Réttarholti við Kollafjarðarrétt hafa tugir þúsunda trjáa verið gróðursett. -Auk þessara 50 eru fastir starfsmenn félagsins 5. Vinnuskóli borgarinnar hefur sent um 70 unglinga í Heiðmörk og er það fjölgun frá undanförnum árum. Landvirkjunarunglingar í Heiðmörk eru 22. Átakshópar frá Garðabæ við stígagerð í Vífilsstaðahlíð samtals um 40. 10 manna hópur sjálfboðaliða frá British volunteers hefur unnið við stígagerð í Esju og er von á þeim aftur seinna í sumar. Þá sér Skógræktarfélagið um gróðursetningu í Úlfarsfelli og er það hluti af Grænu skrefum Reykjavíkurborgar, þar eru 4 og fer fjölgandi.
Samtals eru því um 200 manns að störfum á vegum Skógræktarfélagsins nú í sumar og starfsemin því töluvert umsvifamikil.
|
|
Vinsæla viðarkurlið komið aftur! |
|
Gullkollurinn í Kollafirði |
|
föstudagur, 10 júlí 2009 |
|
 Skógarkerfillinn er nú minna áberandi í Esjunni enda fræmyndun hafin á fullu hjá honum. Gullkollurinn er aftur á móti víða áberandi í hlíðunum og ekki síður niður á Kollafjarðareyrum þar sem haldnir voru leikar á tímum Kolla landnámsmanns, en seinna grafnar út fiskeldistjarnir. Þar var meðfylgjandi mynd tekin á dögunum. Gullkollurinn er af ertublómaættinni og þar með frændi gullregnsins, lúpínunnar og fleiri merkisplanta. Frekari upplýsingar: http://www.floraislands.is/anthyvul.htm Til gamans má geta að pínulítill fugl með sama nafni hefur verið að setjast að hér á landi á undanförnum árum og hefur meðal annars sést í Trjásafninu á Mógilsá. Hér eru myndir af gullkollunum: http://is.wiktionary.org/wiki/gullkollur
|
|
Undirbúningur fyrir Laugavegshlaup |
|
miðvikudagur, 08 júlí 2009 |
|
 Tíðindamaður heimasíðunnar rakst á þessa hlaupagarpa við Strípsveg á dögunum, en þá náði undirbúningur þeirra hámarki fyrir komandi Laugavegshlaup. Þjálfari hópsins er hinn þekkti hlaupari Sigurður P. Sigmundsson og sést hann bjóða aðvífandi hlaupurum ,,líkjör" við bíl sinn í vegkantinum. Þennan dag hafði rignt dálítið og því engin þörf að kvarta yfir svifryki í Heiðmörkinni, hlaupararnir lýstu þvert á móti yfir mikilli ánægju með Heiðmerkuræfinguna og hina fjölmörgu vegi og stíga sem hægt er að hlaupa eftir á okkar stóra útivistarsvæði. Heimasíða hópsins: http://hlaup.is/
|
|
laugardagur, 04 júlí 2009 |
|
 Landnemahópar í Heiðmörk eru vel á annað hundrað og má segja að landnemastarfið sé óslitinn –og mikilvægur- þráður í starfi Skógræktarfélagsins alveg frá því Heiðmörk var opnuð árið 1950.
Um landnemastarfið almennt er hægt að fræðast hér:
http://heidmork.is/index.php?option=com_content&task=view&id=49&Itemid=50
En á myndinni fyrir ofan má sjá Ronald Fatalla formann Filipinsk-íslenska félagsins þegar hann mætti til gróðursetninga 4. júlí í nýjum reit félagsins ásamt fjölskyldu sinni, Steinunni Marie og Ethani Rafni, þriggja ára. Á neðri myndinni sést svo gróðursetningarhópurinn. Skógræktarfélagið býður félagið velkomið í Heiðmörk og fagnar öllum sem leggja hönd á plóg í skógræktinni.
Heimasíða nýju landnemanna: http://fi-com.org/news.php
|
|
fimmtudagur, 02 júlí 2009 |
 Heiðmörkin er vinsæl hjá hestamönnum, fjöldi stíga og áningarstaða liggja um Mörkina og á hverju sumri kemur mikill fjöldi hestamanna í útreiðatúrum til okkar. Þá er líka vinsælt að hópar á reiðnámskeiðum nýti sér aðstöðuna. Á meðfylgjandi mynd má sjá Emblu á hestinum Kol og í baksýn lúinn knapa í hvíldarstöðu, þau voru í hópi frá Topphestum í Garðabæ á ferð umhverfis Elliðavatnið fyrir skömmu.
|
|
|
mánudagur, 29 júní 2009 |
 Stór hópur veiðimanna kemur aftur og aftur á hverju ári til veiða í Elliðavatni og má segja að fyrir suma sé vatnið þeirra annað heimili á sumrin. Þeir eru mjög vakandi yfir lífríkinu og hljóta að teljast með bestu vörslumönnum Heiðmerkurinnar. Einn af fastagestunum er Alois, sem ættaður er frá Austurríki og byrjaði hann að veiða í vatninu 1972 eða fyrir 37 árum síðan. Alois notar alltaf flugu með flotholti og er kallaður Kúluvarparinn af félögum sínum á vatnsbakkanum. Á myndinni sést Alois í fullum herklæðum undir brúnni með tveimur öðrum veiðimönnum í dumbungsveðri þann 25. júní síðastliðinn.
|
|
|
|
<< Byrja < Fyrri 1 2 3 4 5 6 7 8 9 10 Næsta > Síðasta >>
|
| Niðurstöður 73 - 84 af 144 |
