Eldiviður
|
|
|
|
|
|
|
|
|
| |
|
|
|
þriðjudagur, 06 október 2009 |
 
|
|
Haustkransar á Elliðavatni |
|
föstudagur, 25 september 2009 |
|
 Lærðu að binda þinn eigin haustkrans á útidyrahurðina eða stofuborðið úr reyniberjum, lyngi, mosa eða öðrum efnum!
Auður Árnadóttir blómaskreytir heldur námskeið á Elliðavatni í samstarfi við Skógræktarfélagið mánudag 5. október klukkan 19-22. Allir velkomnir!
Verð: 5000 kr. Efni innifalið en ef þátttakendur vilja koma með reyniber eða annað efni er það velkomið. Vinsamlega koma með litlar garðklippur ef þið eigið. Skráning hjá Ástu í síma 8448588 eða
Þetta netfang er varið fyrir ruslrafpósti, þú þarft að hafa Javascript virkt til að skoða það
|
|
Ráðstefnugestir skoða Heiðmörk |
|
mánudagur, 21 september 2009 |
 Ráðstefna um borgarskógrækt var sem kunnugt er haldin í síðustu viku. Á myndinni sést hluti ráðstefnugesta í skoðunarferð um reit Ferðafélagsins í Heiðmörk þar sem hið mikla og samfellda starf landnemanna vakti verðskuldaða athygli gestanna. Ljósmyndari: Ragnhildur Freysteinsdóttir
|
|
Áhugaverð ráðstefna framundan |
|
fimmtudagur, 10 september 2009 |
| Ráðstefna: Skógar efla lýðheilsu fólks í þéttbýli |
Dagana 16.-19. september 2009 verður haldin alþjóðleg ráðstefna um hlutverk skóga og skógræktar fyrir þéttbýli, með sérstakri áherslu á löndin við norðanvert Atlantshafið. Flest landanna eru, eins og Ísland, mjög borgvædd og því skipta skógar og önnur græn svæði í borgum miklu máli fyrir útivistarmöguleika íbúanna. Rannsóknir hafa sýnt fram á margvísleg jákvæð áhrif útivistar í skógi á lýðheilsu og velferð, þar sem skógar fullnægja ýmsum menntunar-, menningar-, og félagslegum þörfum fólks.
Ráðstefnan er haldin er í tengslum við formennskuár Íslands í Norrænu ráðherranefndinni. Skipuleggjendur eru Norrænn samstarfshópur um rannsóknir á útivistargildi skóga (CARe-FOR-US; http://www.sl.life.ku.dk/care-for-us), Skógrækt ríkisins og Skógræktarfélag Íslands. Nánari upplýsingar um ráðstefnuna má finna hér. Og einnig: http://skogur.is/Pages/19?NewsID=1365 |
|
|
Birkitilraun í 500 metra hæð í Esju |
|
mánudagur, 07 september 2009 |
|
 Í Einarsmýri undir Þverfellshorni í Esju voru gróðursett 200 birkitré í júní í fyrra úr 67 g. bökkum. Er það í um 500 metra hæð og efsti tilraunastaðurinn í hlíðinni. Meðfylgjandi mynd var tekin 26.ágúst síðastliðinn og sýnir eitt birkitréð í góðu ásigkomulagi og epli til hliðsjónar. Þarna mun vera um þriggja stiga lægri meðalhiti en neðst í fjallinu eða um níu stig á Celcius á sumrin, en mýrin er þar á móti frjósöm hallamýri, þykkur jarðvegur, fjölbreyttur gróður og nægur raki og líklega skjólbetra en víða annars staðar í hlíðinni. Nokkrar plöntur hafa greinilega kalið og aðrar verið bitnar af kindum, sem eiga það til að rása inn í friðlandið þegar líður á sumarið. En það stefnir samt greinilega í að Esjuhlíðar verði kjarri og skógi vaxnar upp undir kletta innan nokkurra ára.
|
|
laugardagur, 05 september 2009 |
|
 Hátt á annað hundrað manns komu í Furulund í sveppatínslu í þurru og góðu veðri í dag, tíndu sveppi og nutu góðs af leiðbeiningum Ásu Margrétar Ásgrímsdóttur. Hún sagði ótrúlega margar tegundir sveppa í Heiðmörk og marga vel æta. Líklega er rauðhetta fundin nú í fyrsta sinn hjá okkur, þá er slímgumpur algengasta tegundin þessa dagana. Á myndinni má sjá fjórar kynslóðir í Furulundi með góðan afrakstur tínslunnar.
|
|
Sveppatínsla á laugardaginn |
|
þriðjudagur, 01 september 2009 |
 Árleg sveppatínsluferð Skógræktarfélags Reykjavíkur verður í Heiðmörk laugardaginn 5. september kl. 11-13. Leiðbeinandi verður Ása Margrét Ásgrímsdóttir, sveppaáhugakona og höfundur bókarinnar Matsveppir í náttúru Íslands. Ása Margrét leiðir áhugasama um kjörlendi sveppa í Heiðmörk og leiðbeinir við greiningu og tínslu. Áhugasömum náttúruunnendum gefst þarna kjörið tækifæri til að læra grunnatriðin í sveppatínslu. Lagt verður upp frá Furulundinum í Heiðmörk kl. 11 að morgni. Lundurinn er merkur inn á kort af svæðinu, sjá hér:
http://heidmork.is/kort/heidmork/heidmork_tr.asp
Munið að hafa meðferðis körfur og góða hnífa.
|
|
mánudagur, 31 ágúst 2009 |
 Það er kunnara en frá þurfi að segja að trjágróður dreifir sér nú meira af sjálfsdáðum hér á landi en áður meðal annars vegna minni beitar og hærri lofthita. Víða sjást tré í vegköntum og jafnvel þar sem fræuppsprettur eru órafjarri. Þannig háttar til við Bláfjallaveg norðan við Kóngsgil í um 400 m hæð yfir sjó. Þar greindi tíðindamaður heimasíðunnar fyrir skömmu eftirtaldar tegundir við lauslega skoðun: grasvíði, loðvíði,fjallavíði, gulvíði,viðju/viðjublendinga, selju,alaskavíði og alaskaösp. Í syðri vegkanti eru fleiri tré, flest ef ekki öll vaxin upp af fræi. Á myndinni sést um 80 cm há alaskaösp sem vex í hraunmöl við Bláfjallaveginn, hún hefur kalið en lifir að því er virðist þokkalegu lífi þrátt fyrir það. Sjá einnig: http://vefblod.visir.is/index.php?s=3345&p=79326
|
|
miðvikudagur, 26 ágúst 2009 |
 Göngustígurinn um Einarsmýri undir Þverfellshorni í Esju er illa farinn og sumstaðar allt að þrjátíu metra breiður! Í dag hófst lagfæring á stígnum og verður verkið unnið af sjálfboðaliðum næstu vikurnar undir stjórn Chas Goemans hjá Umhverfisstofnun, en Skógræktarfélagið hefur sem kunnugt er átt mjög gott samstarf um þessi mál við þá stofnun undanfarin ár. Á myndinni sést Chas ásamt tveimur úr hópnum.
|
|
|
Styttist í aðalfund landssamtakanna |
|
þriðjudagur, 25 ágúst 2009 |
|
Aðalfundur Skógræktarfélags Íslands, á Höfn í Hornafirði 28. – 30. ágúst 2009 Haldinn í Nýheimum á Höfn í Hornafirði Föstudagur 28. ágúst 9:30 Afhending fundargagna og kjörbréfa. 10:00 Fundarsetning og ávörp. Magnús Gunnarsson, formaður Skógræktarfélags Íslands Elín S. Harðardóttir, formaður Skógræktarfélags A-Skaftfellinga Hjalti Þór Vignisson, bæjarstjóri Hornafjarðar Þröstur Eysteinsson, Skógrækt ríkisins 10:45 Skýrsla stjórnar Skógræktarfélags Íslands. Magnús Gunnarsson og Brynjólfur Jónsson Reikningar Skógræktarfélags Íslands. Brynjólfur Jónsson Skýrsla Landgræðslusjóðs. Guðbrandur Brynjúlfsson Fyrirspurnir um skýrslur stjórna. 11:45 Skipað í nefndir. Tillögur lagðar fram og kynntar. 12:15 Hádegisverður. 14:00 Vettvangsferð frá Nýheimum. Ekið suður á Mýrar að Eskey, gengið upp á Eskey og þaðan rölt yfir í Hellisholt. 16:30 Ekið frá Hellisholti í Haukafell. Brúarvígsla, gönguferð og gleði í Haukafelli.
21:00 Komið til Hafnar.
Laugardagur 29. ágúst 9:30 Fræðsluerindi Ari Þorsteinsson, verkefnisstjóri Nýsköpunarmiðstöðvar Íslands Virkjum sköpunarkraftinn sem í okkur býr Þóra Ellen Þórhallsdóttir prófessor Landnám og útbreiðsla birkis á Skeiðarársandi Helgi Björnsson jarðeðlisfræðingur Hlýnun jarðar, hopun jökla Þröstur Eysteinsson, sviðsstjóri þjóðskóga, Skógrækt ríkisins Framtíðarsýn í íslenskri skógrækt Fyrirspurnir og umræður. 11:30 Hádegisverður. 13:00 Nefndarstörf í Nýheimum. 15:30 Skoðunarferð um skóga í nágrenni Hafnar. Hrossabithagi, Hafnarskógur og Einarslundur, þar sem minningarsteinn um Einar Hálfdánarson verður vígður. 20:00 Hátíðarkvöldverður í Mánagarði. Rúta frá Nýheimum kl. 19:30. Fordrykkur í boði umhverfisráðherra. Hátíðardagskrá í boði Skógræktarfélags A-Skaftfellinga. Ávarp umhverfisráðherra og heiðranir. Rúta gengur á hálftíma fresti frá Mánagarði eftir kl 24:00 til gististaða. Sunnudagur 30. ágúst 9:30 Afgreiðsla reikninga. 9:45 Afgreiðsla tillagna. 10:45 Almennar umræður. 11:30 Kosning stjórnar. 12:15 Fundarlok. 13:00 Fyrir þá sem hafa áhuga. Skoðunarferð í Steinadal í Suðursveit. Ekið á eigin bílum í Steinadal, þeir sem ekki komast yfir ána verða ferjaðir yfir á jeppum.
Skoðuð sjálfsáning og útbreiðsla stafafuru og hið beinvaxna steinadalsbirki.
|
|
| | << Byrja < Fyrri 1 2 3 4 5 6 7 8 9 10 Næsta > Síðasta >>
| | Niðurstöður 61 - 72 af 144 |
|
|
Skógræktarfélagið rekur upphaf starfsemi sinnar til Rauðvatnsstöðvarinnar í byrjun 20.aldar. Ein þeirra plantna sem frumherjarnir eru taldir hafa flutt í Stöðina er rauðberjalyngið. Tíðindamaður heimsíðunnar tók myndina hér fyrir ofan í september þar sem lyngið dafnar vel og dreifir úr sér í nokkuð þéttum barrskógi. Frekari upplýsingar:
