Skógræktarfélag Reykjavíkur er umsjónaraðili Esjuhlíða en félagið tók við jörðunum Mógilsá og Kollafirði árið 2000. Skógrækt ríkisins og fleiri hafa ræktað þar talsverðan skóg á liðnum árum og verður því ræktunarstarfi fram haldið á komandi árum. Svæðið var skipulagt samkvæmt deiliskipulagi á vegum Landmótunar. 

Í framhaldinu verður hafist handa við skógrækt með svipuðu sniði og reynst hefur svo vel í Heiðmörk. Jafnframt verður unnið að uppbyggingu stígakerfis og aðstöðu til útivistar. Esjuhlíðar eru þegar geysilega fjölsóttar og mikil þörf á frekari uppbyggingu og þjónustu við almenning. Skógræktarfélagið mun leita til einstaklinga og fyrirtækja um liðsinni í þessu nýjasta stórvirki félagsins. Það mun jafnframt leita samstarfs við borgaryfirvöld og félagasamtök.

Í Esjuhlíðum eru fjölmargar gönguleiðir en þeirra vinsælust er gönguleiðin upp á Þverfellshorn