Skógræktarfélag Reykjavíkur er sjálfstætt starfandi áhugamannafélag um skógrækt í Reykjavík. Hlutverk félagsins er að efla skógrækt og skógræktaráhuga í Reykjavík. Skógræktarfélag Reykjavíkur er eitt af 59 skógræktarfélögum í landinu sem starfar innan vébanda Skógræktarfélagi Íslands.

Starfssemi Skógræktarfélags Reykjavíkur er fjölbreytt, en aðal viðfangsefni félagsins er umsjón Heiðmerkur. Önnur svæði sem félagið sér um eru Esjuhlíðar og Reynivellir í Kjós. Í Heiðmörk eru verkefnin óteljandi en umhirða svæðisins, gróðursetning trjáa, grisjun skóga og lagning nýrra göngustíga er ærinn starfi allt árið um kring. Félagið leggur einnig ríka áherslu á fræðslu fyrir almenning og leik- og grunnskólanema. 

 s. 564 1770 eða beinn sími starfsmanna. (Sjá undir Starfsmenn).